«Райцэнтр» Тані Скарынкінай цяпер можна паслухаць

2025-05-02 20:39

Аматары творчасці пісьменніцы атрымалі шыкоўны падарунак — магчымасць слухаць эсэ з кнігі «Райцэнтр» бясплатна на пляцоўцы audiobooks. by.

Тэксты зборніка — спроба ўратаваць аўтэнтычныя гісторыі Смаргоні ад паглынання іх яе вялікасцю Гісторыяй.

Праект audiobooks. by заўважае: «Непрыкметная на першы погляд Смаргонь гаворыць унікальным Таніным голасам — і робіцца літаратурай. А значыць, кідае выклік лёсу: дробнае ў ёй робіцца важным, вялікае — смешным, смешнае — кранальным і нават трагічным; усё асуджанае на знікненне атрымлівае ў яе кнізе апошні шанец — і ажывае...»

Чытаюць Таня Скарынкіна і Галя Костка.

Кніга атрымала 2-е месца Прэміі Гедройця 2021.

Друкаваная версія выйшла ў жаночай выдавецкай ініцыятыве «Пфляўмбаўм».

Крыніца: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк