Шляхамі да беларускасці

Пад найменнем “беларуская літаратура” мы павінны разумець усю літаратуру беларускага народа, г. зн. прыгожае пісьменства ад пачатку ХІ ст. да нашых дзён. За гэты час шмат разоў і карэнным чынам змяняліся гістарычныя ўмовы жыцця беларускага народа, але, думаецца, абавязкова захоўвалася духоўная сувязь з мінулым, у большай або меншай ступені заўсёды ўлічваўся мастацкі вопыт папярэднікаў. Развіццё беларускага літаратуразнаўства дазволіла ў апошнія дзесяцігоддзі ўзняцца на новы ўзровень асэнсавання духоўнае спадчыны нашых продкаў. Думка, што беларуская літаратура – гэта літаратура, створаная беларусамі пра беларусаў ды Беларусь і ў першую чаргу для беларусаў, сёння ўсё часцей і часцей гучыць у навуковых працах беларускіх філолагаў. Так, напрыклад, акадэмік І. Навуменка заўважае, што “Марцінкевіч служыў беларускай ідэі. Польскамоўныя творы, якія колькасна раўняюцца або нават перавышаюць напісанае па-беларуску, пацвярджаюць гэтую думку. Бо і ў іх гутарка ідзе пра Беларусь, пра яе мінулае, пра тое, што шляхта, у тым ліку і багатая, складае адно цэлае з беларускім народам. А што датычыць таго, што шляхта гаворыць папольску, то гэта абумоўлена гістарычнымі акалічнасцямі яе бытавання” (Прадмова, фрагмэнт)

• Месца выхаду: Warszawa
• Дата выхаду: 2010
• Выдавец: Katedra Białorutenistyki Uniwersytetu Warszawskiego
• ISBN: 978-83-60951-08-8
• Катэгорыя: Беларуская мова, Культура, Мэтадычная літаратура, Літаратуразнаўства
• Copyright: © 2010 by Хаўстовіч Мікола, Katedra Białorutenistyki Uniwersytetu Warszawskiego
• Кнігазбор: Kamunikat.org
• Дадатковая даведка: Recenzenci: prof. dr hab. Aleksander Barszczewski – Uniwersytet Warszawski, prof. dr hab. Michaś Tyczyna – Narodowa Akademia Nauk RB