Снукер

Прэзідыум Савета Федэрацыі прафсаюзаў Беларусі прысудзіў прэміі ФПБ 2011 года ў галіне літаратуры, мастацтва, журналістыкі і аматарскай творчасці з наданнем звання лаўрэата, уручэннем Ганаровага знака, дыплома і грашовай узнагароды. За творы прозы, паэзіі і драматургіі прысуджана адна прэмія – слыннаму пісьменніку і драматургу Васілю Юр’евічу Ткачову – за кнігу “Снукер”, якая выйшла ў свет у 2009 годзе. Кнігу "Снукер" склалі творы, у якіх Васіль Юр`евіч Ткачоў застаецца верны сваім галоўным прынцыпам - любові да малой Радзімы, да землякоў, якія нясуць у сабе багаты свет дабрыні і адданасці бацькоўскаму куту, роднай беларускай зямлі. Раман “Дом коммуны”, які таксама ўвайшоў у кнігу, пра блізкае ўчора і сённяшні дзень горада, дзе жыве пісьменнік. Дом камуны – звычайны дом, дзе жывуць самыя розныя людзі, са сваімі клопатамі, часта са сваімі невырашальнымі праблемамі. Васіль Ткачоў пільна ўглядаецца ў жыццё, спрабуе выбудаваць залежнасць тых ці іншых фактараў і лёсаў.

• Месца выхаду: Мінск
• Дата выхаду: 2009
• Выдавец: Харвест
• Катэгорыя: Мастацкая літаратура
• Copyright: © 2009 by Ткачоў Васіль
• Кнігазбор: Kamunikat.org