Сорак пяць гадоў «Майстроўні»

Фонд Kamunikat.org аддаў у друк другое выданьне кнігі Сяргея Дубаўца «Майстроўня. Гісторыя аднаго цуду». Такім чынам Камунікат далучаецца да адзначэньня 45-х угодкаў «Майстроўні».

Кніга Сяргея Дубаўца «Майстроўня. Гісторыя аднаго цуду» — гэта расповед пра тое, як у сумнай шэрай паўсядзённасьці савецкага існаваньня зьявілася бліскучая ўнікальная беларуская ідэнтычнасць.

Вось гісторыя пра чароўныя пачаткі «Майстроўні» і яе заснавальнікаў, 50 чалавек, чыё падарожжа пачалося 45 (сорак пяць) гадоў таму. Лёсам удзельнікаў легендарнай суполкі стала незалежнасьць краіны.

З «Майстроўні» бярэ пачатак мноства маладзёвых суполак па ўсёй Беларусі, зь якіх урэшце вырасьце Беларускі Народны Фронт.

Акурат сёлета «Майстроўні» спаўняецца 45 гадоў. А Фонд Kamunikat.org перавыданьнем кнігі адзначае таксама ўласныя 25-я ўгодкі.

Кгігу можна ўжо замаўляць. Высылка замоўленых кніг пасьля 10 жніўня!!!

Праект вокладкі: Артур Вакараў. 

Сяргей Дубавец, пісьменьнік, журналіст, выдавец. Нарадзіўся 17 верасьня 1959 году ў Мазыры. Гадаваўся й вучыўся ў Менску. Скончыў журфак БДУ (1984). Служыў у войску (1978–1980). Выдавец нелегальных выданьняў і незалежных пэрыёдыкаў. Працаваў выдавецтве БелСЭ (1984), газэце «Гомельская праўда» (1984–1987), часопісе «Нёман» (1987–1990). Галоўны рэдактар газэтаў «Свабода» (1990–91) і «Наша Ніва» (1991–2000), радыё «Балтыйскія Хвалі» (2000–2001), аўтар перадачаў на Радыё Свабода (з 1997). Выдаў кнігі: «Практыкаваньні» (1991), «Русская книга» (1997, другое выданьне 2009), «Дзёньнік прыватнага чалавека» (1998), «Вострая Брама» (2005), «Вершы» (2007), «Як? Азбука паводзінаў» (2009), «Майстроўня. Гісторыя аднаго цуду» (2012), «Errata» (2014), «Сіні карабель у блакітным моры плыве» (2014), «Д’ябал запрэжаны ў плуг (2018), «Тантамарэскі» (2019), «Стагодзьдзе НН» (2024), «Занзібар. Сталеньне маладой душы» (2024) і іншых.