Сто адрасоў свабоды

101-ы адрас. Увесну 2009-га мы сядзелі за круглым сталом у тэлестудыі Радыё Свабода ў Празе і абмяркоўвалі галоўныя тэмы тыдня, у ліку якіх быў ліст на блянку ЖРЭА з патрабаваньнем да арандатараў вызваліць памяшканьне на менскай вуліцы Варвашэні, 8, дзе пад бел-чырвона-белымі сьцягамі над уваходам месьцілася сядзіба БНФ, верагодна, самае свабоднае беларускае месца за ўвесь час існаваньня незалежнай Рэспублікі Беларусі, і я спытаўся ва ўдзельніка той перадачы Вячаслава Ракіцкага — ці павесяць там калі-небудзь мэмарыяльную шыльду і дзе яшчэ, з пункту гледжаньня сучаснай гісторыі, варта было б павесіць, — і вось праз два гады карпатлівых пошукаў, працяглых спрэчак і нечаканых удакладненьняў вы трымаеце ў руках ягоны адказ на гэтае пытаньне. Адказ поўны, але сьпіс не завершаны. Вы самі можаце яго працягнуць. І 101-ы адрас — гэта тое месца, дзе вы цяпер разгарнулі гэтую кнігу. (Аляксандар Лукашук, Радыё Свабода)

• Месца выхаду: Прага
• Дата выхаду: 2011
• Рэдактар: Вячорка Вінцук
• Выдавец: Радыё Свабодная Эўропа/Радыё Свабода
• Памеры: 330с.
• ISBN: 978-0-929849-38-6
• Катэгорыя: Гісторыя, Палітыка, Правы чалавека, Грамадзтва
• Copyright: © 2011 Радыё Свабодная Эўропа/Радыё Свабода
• Кнігазбор: Kamunikat.org
• Дадатковая даведка: Крыніца: http://svaboda.org/; Заснавальнік і каардынатар сэрыі Аляксандар Лукашук. «Сто адрасоў свабоды» — першая спроба сыстэматызацыі беларускай геаграфіі незалежнасьці й дэмакратыі.