Свабодны Салігорск 05

Адліга? Не, рэпрэсіі! За перыяд 14-16 лютага ў Салігорску адбылося 18 затрыманьняў прадстаўнікоў дэмакратычных сілаў Беларусі. Агулам было затрымана 16 чалавек (некаторых затрымлівалі двойчы).14 лютага, у дзень акцыі Любові, праводзіліся правакацыйныя дзеяньні з боку супрацоўнікаў міліцыі з мэтай затрыманьня як мага болыпай колькасьці моладзевых актывістаў і не дапушчэньня іх да ўдзелу ў цалкам міралюбівам сьвяткаваньні Валянцінавага дня. Так, напрыклад, міліцыянты ў гэты дзень ціснулі на моладзевых актывістаў у школах (трэба адзначыць асаблівую нахабнасьць й жорсткасьць супрацоўніка салігорскае міліцыі Драбудзькі), патрулявалі і наведвалі прыватныя кватэры найбольш актыўных маладзёнаў гораду, рабілі папярэджвальныя тэлефанаваньні бацькам.Непасрэдна напярэдадні акціі а 16-й гадзіне ля цэнтральнага рынку без а ні якіх на тое прычын міліцыянты распачалі хапун і затрымалі 5 моладзевых актывістаў салігоршчыны (Іван Шыла, Павал Філіпеня, Хрысьціна Самойлава - непаўнагадовыя, Віталь Амяльковіч, Павал Батуеў), астатніх удзельнікаў наўпрост такі разагналі. Праз 3 гадзіны ўсіх затрыманых, акрамя Паўла Батуева адпусьцілі. На Паўла Батуева быў складзены пратакол аб адміністратыўным правапарушэньні, а ён сам зьмешчаны ў ізалятар часовага стрыманьня да суду.

• Месца выхаду: Салігорск
• Дата выхаду: 2008-02
• Кнігазбор: Kamunikat.org
• Дадатковая даведка: Выданьне публікуецца тут за ласкавай згодай Рэдакцыі