Свабодны Салігорск 16

Ідэя правесьці дабрачынны канцэрт, прымеркаваны Сусьветнаму дню барацьбы са СНІДам у салігорскай моладзі ўзьнікла даўно. У мінулым годзе не хапіла рашучасьці, кантактаў, досьведу і ўпэўненасьці ва ўласных сілах і маладафронтаўцы ўзяліся за інфармацыйную падтрымку канцэрту, што меў адбыцца ў сярэдняй школе №10. Менавіта дачыненьне да распаўсюду інфармацыі моладзі, што лічыцца мясцовымі чыноўнікамі грамадзка небясьпечнай ледзьве не сталася нагодаю для адмены мерапрыемства. Негледзячы на дазвол, канцэрт адбыўся ў скарочаным фармаце, бо сьпевакоў ініцыятывы “Музычны Форум” пабаяліся дапусьціць да выступаў. Гісторыя з адмовай “МФ” удзельнічаць у дабрачынным канцэрце пачанаецца з супрацы з Маладым Фронтам:маладафронтаўцы стварылі бачыну у Сеціве для музычнага праекту, натуральна па-беларуску. Гэта і выклікала падазрэньні ў “апазыцыйнасьці і ідэалягічнай неблаганадзейнасьці” у мясцовых ідэёлягаў. Арганізатарам канцэрту таксама давялося пакутаваць. З цалкам апалітычнага, канцэрт імгненна пераўтварыўся ў “апазыцыйны мітынг”. Сацыяльныя пэдагогі марна пыталіся даведацца ў арганізатараў пра магчымыя правакацыі і іхную сувязь з моладзьдзю, што трымаецца дэмакратычных поглядаў.

• Месца выхаду: Салігорск
• Дата выхаду: 2007-12
• Кнігазбор: Kamunikat.org
• Дадатковая даведка: Выданьне публікуецца тут за ласкавай згодай Рэдакцыі