Святлана Курс: Раю любіць сябе і не дазваляць нікому псаваць свой настрой

2026-02-20 16:02

:/:

У 2025 годзе беларуская пісьменніца Святлана Курс паведаміла ў Фэйсбуку пра сваю цяжкую анкалагічную хваробу. Але нядаўна аднавіла сваю актыўнасць у Фэйсбуку і нават наведала фестываль паэзіі «Вершы на асфальце», які прайшоў у Варшаве.

«У час цяжкай хваробы ты глядзіш на многае з жыццёвай мудрасцю», — гаворыць Святлана Курс:

— Мне было цяжка першыя тры — чатыры дні. Цяпер да ўсяго стаўлюся нармальна. Перастала сябе дакараць, што марную дні свайго жыцця. Таму што ведаю, што не я самы гаротны чалавек на свеце. У гэтую секунду людзі сядзяць у расейскіх канцлагерах, дзе іх катуюць кожны дзень. Некаторыя хварэюць яшчэ цяжэй чым я. Таму што рак не самая страшная хвароба, ёсць страшнейшыя, якія марудна забіваюць чалавека. Так што: жыць як набяжыць — гэта самае мудрае, што можна прыдумаць.

Святлана раіць вельмі моцна любіць сябе, быць упэўненым у сабе і не дазваляць нікому псаваць свой час, нервы і добры настрой. А пры выяўленні анкалагічнай хваробы трэба ісці да ўрачоў абавязкова, толькі ўрачы могуць уратаваць або працягнуць жыццё. Святлана паказвае нам усім, што нават у самыя цёмныя часы ёсць месца святлу. Пажадаем ёй апоры і цяпла ў коле блізкіх.

Таццяна Нядбай і Святлана Курс

Цалкам матэрыял — у далучаным гукавым файле!

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк