Ціхан Чарнякевіч: Адам Мальдзіc пакінуў нам праўдзівы вобраз жыхара Беларусі 18 стагоддзя

2022-01-04 16:10

:/:

На 89 годзе сыйшоў з жыцця патрыярх беларускай гуманітарыстыкі, доктар філалагічных навук, пісьменнік Адам Мальдзіс.

Пра постаць даследчыка кажа прадстаўнік супольнасці беларускіх пісьменнікаў Ціхан Чарнякевіч: „Ён быў можа быць найлепшым даследчыкам нашай літаратуры 18 стагоддзя, 19-га ў тым ліку. Дзясяткі гадоў правёў у архівах, знайшоў шмат невядомых тэкстаў, пісаў пра гэта грунтоўныя манаграфіі. Фактычна апошнія гадоў 30 ён быў вядомы як мемуарыст. Сябра Караткевіча, свядка падзеяў 60-70ых гадоў, удзельнік такога культурніцкага праекту, як Цэнтр Скарыны”.

Павлодле Ціхана Чарнякевіча справу Адама Мальдзіса варта працягнуць праз вывучэнне 18-га стагоддзя ў беларускай літаратуры. У будучыні варта стварыць спецыялізаваны “Мальдзісаўскі цэнтр”, як некалі існаваў “Скарынаўскі цэнтр”.

Вольга Сямашка, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк