Творы

Выпускаючы асобнай кніжкай творы Вацлава Ластоўскага (літаратурны псэўдонім Власт), Выдавецтва «Бацькаўшчыны» мела на мэце хоць з грубшага пазнаёміць беларускае грамадзтва на эміграцыі з гэтым арыгінальным, высока ўталентаваным і пры гэтым мала ведамым беларускім пісьменьнікам. Ластоўскі пачаў пісаць і друкаваць у «Нашай Ніве» свае першыя мастацкія апавяданьні каля 1910 году, а ўжо ў 1913 годзе Максім Багдановіч у сваім аглядзе сучаснай яму беларускай літаратуры «За тры гады (1911—1913)» даў такую ацэну пісьменьніку: «Власт надрукаваў усяго 3—4 рэчы, але кажную можна ўзяць за прыклад, як трэба пісаць». Галоўнай прычынай малой знаёмасьці, а навет забытасьці літаратурнай спадчыны Ластоўскага трэба ўважаць тое, што пісьменьнік, друкуючы свае творы ў розных беларускіх пэрыёдыках, не дачакаўся выданьня аніводнага асобнага іх зборніка. А тымчасам ягоная ўдзельная вага ў гісторыі беларускае літаратуры не малая. (Ад выдавецтва, фрагмэнт)

• Месца выхаду: Мюнхэн
• Дата выхаду: 1956
• Выдавец: Бацькаўшчына
• Выдавецтва/ друкарня: Buchdruckerei LOGOS, München
• Памеры: 112с., 21см
• Катэгорыя: Мастацкая літаратура
• Кнігазбор: Kamunikat.org, Каталёг БГТ, Каталёг MiOKB, Прыватны каталёг
• Інвэнтарныя нумары: BTH — 1441, MiOKB — 5162, 5163, 5164, 5165, 5166