У Беластоку прэзентавалі клуб рэканструкцыі “Invictus 1863”

2024-01-23 19:55

:/:

У беластоцкім Хабе “Новая Зямля” адбыўся Дзень адчыненых дзвярэй клубу “Invictus 1863”, які займаецца гістарычнай рэканструкцыяй паўстання 1863 года. Мерапрыемства адбылося ў 161-ую гадавіну паўстання.

Кажуць удзельнікі клуба і госці вечарыны:

– Мы вельмі радыя, што паспелі да гадавіны. Яшчэ тыдзень-два таму здавалася, што не паспеем. Я вельмі рады, што сёння мы зможам паказаць тое, што мы зрабілі.

– Продкі маёй жонкі ўдзельнічалі ў паўстанні. Нашы продкі бароліся з несправядлівасцю за волю народу.

– Мне вельмі падабаецца. Тое, што мне давялося пабачыць і адчуць мне вельмі спадабалася. Нашы хлопцы і Кацярына сапраўдныя малойцы.

– Па людзях бачна, што цікавасць ёсць, вечар атрымаўся.

Клуб “Invictus 1863” стварылі беларусы, якія цікавяцца гісторыяй ды актыўна яе папулярызуюць. Далучыцца да дзейнасці клуба можа кожны. Сустрэчы адбываюцца па панядзелках у хабе “Новая Зямля”.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк