У ЕГУ адкрылася бакалаўрская праграма па гісторыі на беларускай мове

2024-02-06 17:16

Еўрапейскі гуманітарны ўніверсітэт у Вільні адкрыў новую бакалаўрскую праграму па накірунку «Гісторыя». Тэрмін навучання – 4 гады на дзённай форме.

Кажа дарадца Святланы Ціханоўскай па пытаннях адукацыі і навукі Таццяна Шчытцова:

– Я з гэтым нас усіх віншую. Гэта вялікае дасягненне. Праграма будзе двумоўная, там будуць дзве працоўныя мовы – беларуская і ангельская. Праграму распрацоўвалі нашы вядомыя навукоўцы ў кааперацыі з замежнымі еўрапейскімі і амерыканскімі навукоўцамі.

Бакалаўрская праграма ЕГУ «Гісторыя» рыхтуе высокакваліфікаваных спецыялістаў у галіне гісторыі з тэарэтычнымі ведамі, практычнымі навыкамі і прафесійнымі кампетэнцыямі, якія адпавядаюць сучасным адукацыйным стандартам.

Кансультацыі па пытаннях паступлення: ecruitment@ehu.lt.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк