У Мінску — прэзентацыя кнігі вершаў Міхала Бараноўскага

2024-09-24 16:51

27 верасня ў 18:30 у Літаратурна-мемарыяльным музеі Якуба Коласа пройдзе прэзентацыя новай кнігі вершаў паэта, музыкі, папулярызатара творчасці Максіма Багдановіча Міхала Бараноўскага, якая называецца “Volumen.3”.

Цягам імпрэзы разам з гасцямі вечарыны аўтар пройдзецца па старонках новай кнігі, паразважае пра паэзію агулам і спробы знайсці ў ёй сваё месца. Прагучаць старыя і новыя песні, літаратурныя байкі, анонсы новых выданняў, а таксама адказы на пытанні, а ў канцы адбудзецца аўтографсэсія.

Як пісаў раней Bellit.info, трэцяя кніга паэта выйшла ў выдавецтве Tsymberau Publisher і ўключае вершы, напісаныя з 2020 па 2024 год.

“Як і з папярэднімі зборнікамі, “Volumen.3″ з’явіўся ў прадчуванні цішыні, калі ведаеш, што ў бліжэйшай будучыні нічога новага не выйдзе і можна правесці рысу ды неяк рухацца далей. Ці адрозніваюцца прадстаўленыя тэксты ад папярэдніх мне сказаць цяжка, тое справа чытацкая. Спадзяюся, што ў вас атрымаецца знайсці ў кнізе нешта сваё”, — каментаваў па гарачых слядах навіну Міхал Бараноўскі ў сацсетках.

Кошт уваходнага білета – 6,50 рублёў.

Кантактны тэлефон: (017) 270 17 02

Адрас: г. Мінск, вул. Акадэмічная, 5

www.kolasmuseum.by

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк