У музеі Багдановіча пагавораць пра метафізку паэзіі Жылкі

2024-08-16 21:57

21 жніўня ў Літаратурным музеі Максіма Багдановіча пройдзе чарговая сустрэча, прысвечаная беларускай (і сусветнай) традыцыі і інтэлектуальнай літаратуры. Гэтым разам “Лабараторыя паэтычнай метафізікі” будзе прысвечана паэзіі Уладзіміра Жылкі.

Па форме сустрэча мае выглядаць, як conversatorium, літаратурна-філасофская майстроўня, у якой адбываецца сумесная работа па адмыканні сэнсаў, схаваных пад абалонкай літаратурных твораў. Мадэратарам выступіць вядучы навуковы супрацоўнік Інстытута філасофіі НАН Беларусі, кандыдат філасофскіх навук, дацэнт і паэт Ігар Бабкоў.

Ігар Бабкоў разам з прысутнымі паспрабуе акрэсліць корпус містычных/метафізічных вершаў (“Калі змрочнасьць…”, “Вершы спадзявання”, “Тэстамэнт”, фрагменты дзённіка, урыўкі з успамінаў), пагаварыць пра пэўныя матывы ды ідэі, а таксама месца Уладзіміра Жылкі ў беларускім літаратурным каноне.

Уваходны квіток 5 рублёў.

Літаратурны музей Максіма Багдановіча

Мінск, вул. М.Багдановіча, 7а

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк