У музеі літаратуры сустрэча з нагоды 110-годдзя Таўлая

2024-09-14 17:46

17 верасня ў Дзяржаўным музеі гісторыі беларускай літаратуры пройдзе імпрэза прысвечаная 110-годдзю з дня нараджэння заходнебеларускага паэта Валянціна Таўлая пад назвай “Пакіну спадчыну тугі і веры…”

На імпрэзе выступіць навуковы супрацоўнік Дома-музея Валянціна Таўлая (Лідскі гісторыка-мастацкі музей) Алесь Хітрун. Наведнікі пачуюць шмат цікавых фактаў з жыцця паэта 30-х гадоў.

Жыццёвы шлях заходнебеларускага творцы-барацьбіта – усяго 33 гады… Паэтычная спадчына – пасмяротны зборнічак вершаў “Выбранае”. Але за гэтымі сціслымі звесткамі – вялікая і надзвычай цікавая, насычаная падзеямі жыццёвая і творчая гісторыя. Гісторыя сяброўства, змагання, любові, пакручастых дарог, доўгіх месяцаў растання і няволі і такіх чаканых сустрэч.

Таксама ўвазе наведнікаў будзе прадстаўлена мастацкая праца Васіля Зянько “Верабейкі”, напісаная ў аб’ёмнай тэхніцы з цытатай першага верша Валянціна Таўлая, выкананай шрыфтам Брайля.

17 верасня, 18:00

Дзяржаўны музей гісторыі беларускай літаратуры (Менск, вул. М. Багдановіча, 13)

Уваход вольны.

Загалоўнае фота: Валянцін Таўлай з жонкай Лідзіяй Казлоўскай

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк