У прадстаўніцы Ціханоўскай у Беларусі прайшоў ператрус

2020-11-12 15:53

12 лістапада прайшоў ператрус дома ў сяброўкі Каардынацыйнай рады, актывісткі "Моладзевага блока" Аланы Гебрэмарыям.

Яна перастала выходзіць на сувязь, а перад гэтым паведаміла, што ў кватэру ламіліся невядомыя. Прэс-служба Каардынацыйнай рады пацвердзіла інфармацыю пра ператрус.

Алану Гебрэмарыям забралі з дому і павезлі на следчыя дзеянні. Раней у яе прайшоў ператрус, паведамляе тэлеканал "Белсат". У межах якой менавіта крымінальнай справы праводзяцца следчыя дзеянні, пакуль невядома.

Гебрэмарыям — прадстаўніца Святланы Ціханоўскай па справах моладзі і студэнтаў. Аб гэтым прызначэнні стала вядома ў пачатку кастрычніка.

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк