У Вільні адзначаць 45 гадоў «Майстроўні»

2025-08-31 15:57

5 верасня ў віленскай прасторы KROPKA адзначаць 45-годдзе моладзевага творчага згуртавання «Майстроўня», заснаванага напрыкацы 70-х — пачатку 80-х гадоў ХХ стагодзя з мэтай адраджэння ў гарадскім асяроддзі беларускай народнай абраднасці і святаў. Удзельнікі «Майстроўні» вывучалі народныя песні, ладзілі святы Калядаў, гукання вясны, Купалля ў Менску, Заслаўі, Вязынцы, праводзілі дабрачынныя акцыі, выступалі з канцэртамі, лекцыямі, гутаркамі.

Пра тое як з калядавання нарадзілася беларуская незалежнасць раскажа спадар Сяргей Дубавец — аўтар кнігі «Майстроўня. Гісторыя аднаго цуду». У сустрэчы прымуць удзел і іншыя заснавальнікі згуртавання.

Падчас сустрэчы можна будзе набыць кнігу, у якой апавядаецца гісторыя пра пачаткі «Майстроўні» і яе заснавальнікаў.

Уваход вольны.

Крыніца: REFORMATION

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк