Уладзімір Арлоў: 9 жніўня 2020 года абавязкова застанецца ў нашай беларускай гісторыі

2020-08-06 22:39

:/:

Беларускае грамадства набыло рух, і дзень выбараў увойдзе ў нашу гісторыю.

Гэтак падчас анлайн-чытанняў “Вершы салідарнасці” выказаўся пісьменнік Уладзімір Арлоў:

– Беларускае грамадства прыйшло ў рух. Я далёка не ўпэўнены, што сітуацыя зменіцца ў бліжэйшыя дні. Але хачу сказаць, што дзень 9 жніўня 2020 года абавязкова застанецца ў нашай беларускай гісторыі як этап змагання за будучую еўрапейскую дэмакратычную Беларусь. І тут я зноў хачу згадаць словы Вацлава Гавела, што без дэмакратычнай Беларусі канфігурацыя дэмакратычнай Еўропы ніколі не набудзе сваёй завершанасці.

У чытаннях салідарнасці таксама прынялі ўдзел беларускія літаратары Анатоль Івашчанка, Марыя Мартысевіч, Вальжына Морт, Таццяна Нядбай, Сяргей Прылуцкі, Андрэй Хадановіч, а таксама Алена Сцепаненка і Сяргей Жадан з Украіны.

Беларускае Радыё Рацыя, Менск

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк