Унія на Палесьсі

Вінцук Адважны, бадай мала хто зараз ведае імя гэтага асветніка, місіянера, каталіцкага святара. Асноўную частку свайго жыцця ён прысвяціў служэнню людзям пры дапамозе касцёла. Творы Вінцука гэта, у першую чаргу, байкі, вершы, а таксама пераклады з рускай Крылова, з польскай Красіцкага. Непасрэднай тэматыкай яго твораў была рэлігія. Палессе, як рэгіён, мае сваю адметнасць. Менавіта тут вёскі буйныя і густанаселеныя. А народ – палешукі – своеасаблівы, баязлівы, не любіць зменаў. Палессе і палешукі – героі твораў Вінцука Адважнага. Найбольш цікавым з іх з'яўляецца паэма "Унія на Палессі". Аўтар будуе твор у выглядзе спрэчкі паміж прадстаўнікамі розных канфесій, якія служылі ў мястэчку Альпень, што ў Столінскім раёне на Палессі. І толькі ўважліва аналізуючы сэнс твора, становіцца зразумелым, што гаворка ідзе не пра мястэчковую спрэчку, а пра шматлікія пытанні хрысціянскай еднасці, якія надзённыя і актуальныя і ў сённяшняй рэчаіснасці. Выданне кнігі стала магчымым дзякуючы Берасцейкай радзе Грамадскіх аб'яднанняў "Таварыства беларускай мовы" і "Гісторыка". (Н. Г.)

• Месца выхаду: Берасьце
• Дата выхаду: 2004
• Рэдактар: Бараноўскі Ігар
• Выдавец: ГА Стары горад, Берасьцейская гарадзкая Рада ГА Таварыства беларускай мовы імя Ф. Скарыны, Берасьцейскае аддзяленьне МГА Гісторыка
• Катэгорыя: Гісторыя, Культура, Рэлігія, Грамадзтва, Мэмуары
• Кнігазбор: Kamunikat.org, Каталёг EEDC
• Інвэнтарныя нумары: EEDC — 1578
• Дадатковая даведка: Выданьне публікуецца тут за ласкавай згодай Ігара Бараноўскага