Успаміны

Выданне вядзе аповед пра жыццё, лёс і дзейнасць амаль невядомых сучаснай Беларусі сапраўдных беларусаў. Войны, а пасля сталінскі генацыд вельмі моцна “пачысцілі” чалавечую памяць. Але не на заўсёды і не канчаткова. Абуджэнне цікавасці да страшнага перыяду немагчыма знішчыць. Гэтак жа, як немагчыма сцерці чалавечую памяць, і памяць тых, хто гэта перажыў. Перадусім варта адзначыць, што многія зведалі цану сваіх поглядаў і меркаванняў. Тым не менш, не здрадзілі саміх сябе. Гутарка ідзе пра Анелю Катковіч і Вэраніку Катковіч-Клентак. Жывучы паміж двух агнёў: ні польскі бок, ні тым больш савецкі не прымалі беларускі нацыянальны рух, дзяўчаты вымушаны былі заўсёды быць у страху... Напрыканцы 1940-х гг. сясцер арыштавалі, як здрадніц, і рэпрэсавалі далёка ў Сібір у Іркуцую вобласць. Да гэтага часу успаміны сясцёр пра сваё жыццё, зняволенне і побыт у ссылцы не раз публікаваліся на польскай мове. Гэта былі іх ўласныя запісы, а таксама карэспандэнцыя. Зараз гэтыя матэрыялы пабачылі свет па-беларуску. (Н.Г.)

• Месца выхаду: Беласток
• Дата выхаду: 1999
• Рэдактар: Глагоўская Галена, Харужы Вячаслаў
• Выдавец: Białoruskie Towarzystwo Historyczne
• Выдавецтва/ друкарня: SETPro
• Памеры: 142с., іл., 21см
• ISBN: 83-909009-9-8
• Катэгорыя: Гісторыя
• Copyright: © 1999 by Białoruskie Towarzystwo Historyczne
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 43, 44
• Дадатковая даведка: Zrealizowano przy pomocy finansowej Ministerstwa Kultury i Dziedzictwa Narodowego; Здымак на вокладцы: Вэраніка Катковіч-Клентак і Анеля Катковіч. Бэрлін, другая палова 40-ых гадоў. --