Вечар памяці «Алесь Разанаў: невядомая велічыня»

2021-10-27 12:32

У чацвер (28 кастрычніка) а 19.00 у літаратурна-філасофскай кавярні ЗНО адбудзецца вечар памяці “Алесь Разанаў: невядомая велічыня”. Удзел возьмуць Валянцін Акудовіч, Ігар Бабкоў, Тацяна Вадалажская, Сяргей Дубавец, Ірына Дубянецкая, Мікола Матрунчык, Генадзь Сагановіч, Сяржук Сокалаў-Воюш ды іншыя.

Алесь Разанаў быў першым публічным прамоўцам Беларускага Калегіюму, на чыё ўрачыстае адкрыццё ён адмыслова напісаў і прачытаў свой славуты тэкст “Слова пра спадчыну”. І кожны новы этап у развіцці Калегіюму нязменна пачынаўся з гутарак з Алесем Разанавым. Апошняя з іх адбылася на пачатку 2020 году, яшчэ ў жывым фармаце. А зумаўскі працяг зладзіць планавалі, ды не паспелі… Цяпер гутаркі і тэксты могуць быць ужо толькі пра яго…

28-га кастрычніка ў літаратурна-філасофскай кавярні ЗНО – названай акурат Разанаўскім словам – адбудзецца першая з такіх спроб прагаварыць “свайго Разанава”, згадаць важнае, узгадаць раней напісанае, прачытаць з ягоных тэкстаў самае любімае…

Далучайцеся. Рэгістрацыя праз спасылку.

Крыніца: Беларускі ПЭН-цэнтр

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк