Век так ня будзе

Кніга ўспамінаў Надзеі Дземідовіч (1927 г. н.) зьяўляецца своеасаблівым дакумэнтам беларускай гісторыі XX стагодзьдзя. Прадстаўніца пакаленьня, якое выхоўвалася з мараю пра незалежнасьць Беларусі, Надзея Дземідовіч заплаціла за сваю гарачую любоў да Радзімы пакутамі й зьняволеннем у сталінскіх лягерах. Асуджаная ў 1950 г. за сяброўства ў Саюзе Беларускай Моладзі, яна вярнулася ў Беларусь толькі ў 1956 г. Цяжкія выпрабаваньні не зламалі Надзеі Дземідовіч, але ж і не дазволілі ёй, як і тысячам беларусаў, рэалізаваць сябе цалкам. Успаміны Надзеі Дземідовіч - гэта ўнікальнае сьведчаньне пра мінулую эпоху й яе герояў. Жыцьцё «пад Польшчаю», прыход саветаў, нямецкая акупацыя ды сталінскі «рай» падаюцца аўтарам жорстка й без «бэлетрызму». У кнізе зьмешчаныя таксама вершы Надзеі Дземідовіч. Кніга адкрывае сэрыю «Архіў Найноўшай Гісторыі».

• Месца выхаду: Менск
• Дата выхаду: 2002
• Выдавец: Грамадскае Аб'яднаньне «Дыярыуш»
• Выдавецтва/ друкарня: АНГ
• Памеры: 176 с., іл. 21см
• Катэгорыя: Гісторыя, Правы чалавека, Мэмуары
• Copyright: © 2002 by Дземідовіч Н.
• Кнігазбор: Kamunikat.org, Каталёг БГТ, Каталёг EEDC
• Інвэнтарныя нумары: BTH — 1248, EEDC — 1140