Віктар Шалкевіч дасць да свайго юбілею сольны канцэрт у Варшаве 22 лютага

2024-02-05 19:39

Віктар Шалкевіч — лаўрэат міжнародных конкурсаў аўтарскай песьні. Пабываў з гітарамі (іх у яго чатыры) у ЗША, на Гаіці (у Дамініканскай Рэспубліцы), у Францыі, Нямеччыне, Вялікай Брытаніі, Чэхіі, Польшчы, Літве, Расіі, Украіне, Грузіі і іншых краінах.

Тэксты песень перакладзены на англійскую, нямецкую, польскую, украінскую і чэшскую мовы.

Шалкевіч вырас на памежжы беларускай, яўрэйскай і польскай культураў (вёска Поразава, Гродзенская вобласць). Яшчэ ў школе пачаў пісаць і выконваць песні на беларускай мове. «За частыя сустрэчы з дзецьмі і папулярызацыю сярод іх ведаў аб тэатры» быў узнагароджаны міжнародным Ордэнам Усмешкі, кавалерамі якога з'яўляюцца Ян Павал II, Астрыд Ліндгрэн, Сцівен Спілберг і іншыя.

Саркастычныя творы гарадзенца станоўча ўспрымаюцца сучаснікамі як прыклад класічнага гумару.

Незабыўная экспрэсія, добры гумар і шмат цікавых песень - гэтага выканаўцу варта пабачыць ужывую!

Дата: 22 лютага 19.00

Месца: TR Warszawa, ul. Marszałkowska 8

Спасылка на продаж квіткоў

Квіткі ад 65 zł да 95 zł

Даведкі:

+48 798 599 847

+48 505 283 185

Крыніца: Камунікат

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк