Віня-Пых

Казка пра неразумнае мядзьведзяня вядомая дзецям усяго сьвету. Кніжка Алана Мілна была перакладзена свайго часу на розныя мовы сьвету. І, што праўда, дзеці ў Беларусі таксама ведалі гэтае медзьведзяня, але чыталі пра яго па-расейску (некаторыя, магчыма, па-польску). Рознымі кінастудыямі былі створаны мультыплікацыйныя фільмы, а песенькі і выказванні плюшавага героя сталі прыказкамі і прымаўкамі і ўвайшлі ў народны фальклор. Цяпер беларускія дзеткі (ды не толькі, бо кніга таксама і для дарослых, а часам, нават і ў першую чаргу для дарослых) могуць пазнаёміцца з прыгодамі Віня-Пыха на роднай мове. Пераклад Віталя Воранава – выдатны падарунак і дзецям, і дарослым. У беларускамоўным выданні захаваныя арыгінальныя ілюстрацыі з кнігі Мілна. А Віня-Пых – гэта наш стары знаёмы, які зараз гаворыць на нашай мове.(Н.Г.)

• Месца выхаду: Познань
• Дата выхаду: 2007
• Перакладчык: Воранаў Віталь
• Выдавец: Белы Крумкач
• Памеры: 128с.
• Катэгорыя: Мастацкая літаратура, Дзіцячая літаратура, Пераклады
• Copyright: Text by A. A. Milne © The Trustees of the Pooh Properties; Line illustrations © E.H. Shepard; Translation © Vital Voranau; Copyright for the Belarusan edition © by Bieły Krumkacz
• Кнігазбор: Kamunikat.org, Каталёг MiOKB
• Інвэнтарныя нумары: MiOKB — 10171