“Вясна” працуе над пошукам зніклых падчас акцый пратэсту грамадзян. Звяртайцеся!

2020-08-18 16:49

У перыяд з 9 па 14 жніўня ў Беларусі было затрымана каля сямі тысяч мірных пратэстоўцаў.

Пра звестках МУС РБ у цяперашні час у Цэнтры ізаляцыі правапарушальнікаў на Акрэсціна (ЦІП ГУУС) знаходзяцца 6 грамадзян, з якімі праводзяцца неабходныя следчыя дзеянні. Астатнія затрыманыя вызваленыя.

Аднак у розных СМІ з’яўляецца інфармацыя аб зніклых удзельніках акцый пратэсту, якіх дагэтуль не ўдалося адшукаць ні праваабаронцам, ні блізкім і сваякам. Партал TUT.BY запусціў спецыяльны сервіс для пошуку прапаўшых пасля акцый людзей. Зараз там 24 прозвішчы. Аднак па некаторых звестках такіх людзей налічваецца больш за 80.

Ніякай інфармацыі пра іх лёс ад кампетэнтных дзяржаўных органаў не паступае.

Праваабарончы цэнтр “Вясна” звяртаецца да ўсіх, чые блізкія ці знаёмыя зніклі ў перыяд з 9 па 13 жніўня ў Мінску або ў іншых гарадах, з просьбай паведаміць неабходную інфармацыю праваабаронцам па тэлефоне “Вясны” (017) 394 63 11.

Толькі агульнымі намаганнямі мы зможам высветліць лёс зніклых грамадзян.

Крыніца: ПЦ

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк