Выстава пра беларускіх класікаў на вакацыях – да 18 лютага

2024-01-16 21:23

У Нацыянальным цэнтры сучасных мастацтваў праходзіць выстава “Моры рэальныя і выдуманыя. Беларускія літаратары на вакацыях”, якая праз фатаграфію апавядае, як бавілі час беларускія літаратары ў летнім адпачынку. Апошні дзень працы – 18 лютага, можна яшчэ паспець.

У фокусе экспазіцыі – фотаздымкі класікаў беларускай літаратуры Эдзі Агняцвет, Янкі Брыля, Уладзіміра Дубоўкі, Уладзіміра Караткевіча, Якуба Коласа, Янкі Купалы і Максіма Танка ў час летняга адпачынку (з фондаў Беларускага дзяржаўнага архіва-музея літаратуры і мастацтва).

Малады Янка Брыль у Неапалі, Уладзімір Дубоўка і Янка Купала на пляжы ў Ялце – гэта далёка ад звыклых “сур’ёзных” партрэтаў пісьменнікаў у школьных хрэстаматыях. Выстава быцца пацвярджае выказванне Максіма Танка: “Чытаю біяграфіі нашых класікаў. Многіх я знаў асабіста. Як іх залізаныя і прычасаныя партрэты розняцца ад тых, якімі яны былі ў сапраўднасці людзьмі, у меру святымі і ў меру грэшнікамі, а не нейкімі манекенамі”?

“Атмасфера выставы ў НЦСМ дазволіць на час забыцца пра занураныя ў снег шэрыя вуліцы Мінска і патрапіць у свет колераў, летняй цеплыні і радасных эмоцый”, – пішуць арганізатары.

Выстава працягнецца да 18 лютага 2024 года.

Мінск, НЦСМ, вул. Някрасава, 3.

Серада – нядзеля, 12:00 – 20:00.

Кошт квіткоў: 7/3 (поўны/ільготны).

Галоўнае фота facebook.com/ncsmby

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк