Еўрарадыё запіша аўдыёкнігу «Па што ідзеш, воўча» Евы Вежнавец

2021-11-28 17:17

Еўрарадыё запіша аўдыёкнігу "Па што ідзеш, воўча" Евы Вежнавец. Сёлета пісьменніца выйграла прэстыжную літаратурную прэмію Гедройца. Запіс кнігі — спецпрыз ад нашай радыёстанцыі.

Плануецца, што кнігу прачытае акторка Алена Зуй-Вайцяхоўская. Яна вядомая не толькі акторскімі працамі, але і песняй "Шчучыншчына", кліп на якую летась стаў вірусным.

Пасля публікацыі кніга будзе дасяжная да праслухоўвання цягам 5 гадоў.

Прэмію Гедройца за лепшую беларускую кнігу сёлета ўпершыню ўручылі не ў Беларусі. Цырымонія адбылася ў 26 лістапада ў Варшаве.

Галоўны прыз (яго памер не агучваецца) упершыню атрымала пісьменніца-жанчына. Ева Вежнавец (сапраўднае імя — Святлана Курс) кажа, што не спадзявалася на такі паварот падзеяў.

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк