Юлія Собаль: Нават без фінансавання, нашая школка ўсё адно будзе працаваць

2022-07-30 18:52

:/:

У Беластоку другі год працуе нядзельная школка для дзяцей беларускай дыяспары ў Беластоку. Тут дзеці развучваюць беларускія народныя песні, знаёмяцца з абрадамі календарных народных святаў, вучаць на памяць вершы.

Выкладчыца школкі Юлія Собаль кажа, што калі нават не будзе фінансавання, усё адно школка будзе працаваць.

– Працуючы над купальскім цыклам, мы працавалі ўжо задарма. Але мне гэта падабаецца. Дзеці ходзяць, то мы працавалі. У наступным навучальным годзе можа нешта зменіцца. Але нават калі не будзе фінансавання, мы будзем працаваць з дзецьмі, нават задарма.

Зараз вучні школкі на летніх вакацыях. Заняткі пачнуцца напачатку верасня. У мінулым навучальным годзе на заняткі прыходзілі ад 17 да 25 дзяцей. Школкай апякуецца фонд сацыяльных, культурных і адукацыйных ініцыятываў «2020».

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк