Забытых таямніцаў чар / Zapomnianych tajemnic czas

Кніга з такой прыгожай назвай – вынік агульнай працы настаўнікаў, вучняў і апантаных цудоўнай ідэяй пошуку таямніц мінулага людзей шаноўнага ўзросту, якія жывуць па абодва бакі Белавежскай пушчы. Рэдактарам выдання выступае Наталля Герасімюк, адначасова аўтар аднайменнага праекту, прадуктам якога і з’яўляецца публікацыя. Гэта двухмоўнае выданне (польска-беларускае) знаёміць наз з міфамі і легендамі, звязанымі з паходжаннем назваў асобных вёсак і паселішчаў, расказвае аб далёкай мінуўшчыне, адкрываючы чароўныя таямніцы. Зборнік складзены з дзвюх частак – польскай і беларускай, - кожная з якіх прэтэндуе на самастойнасць, бо не з’яўляецца працягам папярэдняга варыянта. Пасярэдзіне – карта еўрарэгіёна, які ўключае ў сябе тры раёны беларускай тэрыторыі (Камянецкі, Пружанскі і Свіслацкі) і Гайнаўскі павет з памежнай польскай тэрыторыі. Выданне багата ілюстраванае, пры чым малюнкі зроблены не прафесійным мастаком, а амататарам, якому ўдалося знайсці той адзіна правільны мастацкі падыход, каб перадаць дух таямнічасці зместу. (Н.Г.)

• Месца выхаду: Гайнаўка
• Дата выхаду: 2006
• Рэдактар: Герасімюк Наталля
• Перакладчык: Карпюк Людміла, Лаўранчук Тамара
• Выдавец: Музей І Асяродак Беларускай Культуры Ў Гайнаўцы
• Выдавецтва/ друкарня: Drukarnia MKJ
• Катэгорыя: Гісторыя, Культура, Мастацкая літаратура, Турыстыка
• Кнігазбор: Kamunikat.org, Каталёг MiOKB, Прыватны каталёг
• Інвэнтарныя нумары: MiOKB — 10608, 10609, 10610,
• Дадатковая даведка: Праeкт вокладкі Наталля Герасімюк; Карэктар Тамара Лаўранчук; Aпрацаванне Выдавецка-Эдытарская Агенцыя ЭкаПрэс А. Пaскробкa; Склад: Артур Садурcкі