Занатоўкі кантрабандыста

Зборнік апавяданняў Віктара Сазонава з поспехам мог бы стаць падручнікам для мытнай службы і Польшчы, і Беларусі. Дасціпныя здарэнні з жыцця кантрабандыстаў, спісаныя з рэальнага жыцця рэальных асоб, смешаць і адначасова змушаюць задумацца над тым, да чаго імкнецца большасць жыхароў памежнай зоны? Якія перспектывы маюць у сваім жыцці, якая галоўная мэта і сэнс гэтага жыцця? Чытаючы апавяданні раскрываецца поўня чалавечай глупасці, безраднасці, прымітыўнасці. Людзі, якіх насамрэч, выхоўвалі на найбольш думны народ у свеце, на прадстаўнікоў самай-самай…, найбольш шанаванай краіны ( па меншай меры ў іх успрыманні), змушаны зарабляць на кавалак хлеба гандлем, які свайго часу быў азнакай няшчырасці, ганьбы, нават здрады. Некаторым героям гэты дробны гадаль на рынках суседняй краіны – сапраўдная пакута, для іншых – сэнс жыцця і адзіная яго форма. Чытаючы апавяданні ловіш сябе на думцы: да чаго дакаціліся? ці маем будучыню? што далей? пашто жыць? дзе сэнс усяго (і жыцця ў тым ліку)?

• Месца выхаду: Беласток
• Дата выхаду: 2005
• Рэдактар: Вапа Яўген
• Выдавец: Праграмная рада тыднёвіка Ніва
• Выдавецтва/ друкарня: Offset-Print
• ISBN: 83-917349-3-4
• Катэгорыя: Мастацкая літаратура
• Copyright: © 2005 by Праграмная рада тыднёвіка Ніва
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 1403, 1402, 4005, 4006