«Заўсёды едзеш сюды з трапятаннем сэрца»

2026-04-25 12:01

:/:

«Лірыка» беларускай паэткі Насты Кудасавай прагучала ў сталіцы Літвы 24 красавіка ў Віленскім беларускім музеі імя Івана Луцкевіча. Напачатку 2026 года ў выдавецтве Kamunikat.org выйшаў зборнік выбраных вершаў паэткі «Лірыка»». Гэтая яе сёмая паэтычная кніга і трэцяя, выдадзеная ў эміграцыі, і была адным з галоўных пунктаў размовы падчас сустрэчы.

Творчую сустрэчу ў Вільні адкрыў радыёжурналіст і кіраўнік Фонду Kamunikat.org Яраслаў Іванюк, які выдаў кнігу «Лірыка» Насты Кудасавай:

– Гэта наогул новае, калі гаварыць пра гэтыя кнігі, якія выдаваў “Камунікат” у серыі “Паэты планеты”, бо і ў Арлова, і ў Хадановіча, і ў Някляева там ёсць усё, што раней друкавалася, а вось у Насты, гэта адрозненне ад тых кніг паэтаў, у паэткі ёсць таксама новыя вершы.

Як зазначае паэтка Наста Кудасава, атмасфера ў Вільні заўсёды найлепшая і найцудоўнейшая:

– Заўсёды едзеш сюды з такім трапятаннем сэрца, адчуваючы спатканне з чымсьці такім асабліва родным. І мне прыемна, што прыйшло даволі шмат людзей, я пабачыла многіх, каго хацела пабачыць. І незнаёмыя твары таксама былі. Вось гэта заўсёды радуе і цешыць, што заўсёды з новым можаш спаткацца. Па-мойму атрымалася вельмі ўтульна, і натхніла мяне на нейкія чарговыя роздумы гэтая сустрэча, і гэта галоўнае.

Зараз Наста Кудасава працуе над новай кнігай, якая будзе мець назву «Сонца ёсць і птушак чуваць», праўда пакуль трымае ў сакрэце час, калі яна павінна выйсці.

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк