Жыццё і творчасць Рамуальда Падбярэскага

22 кастрычніка 1856 году памёр на выгнанні ў Архангельскай губерні Рамуальд Падбярэскі, выдавец, публіцыст, краязнавец і фалькларыст. Ён нарадзіўся ў Вільні, дзе скончыў гімназію, затым вучыўся ў Маскоўскім універсітэце. Доўгі час жыў у Пецярбургу. Выдаваў розныя часопісы й альманахі, але найперш праславіўся выданнем кнігі Яна Баршчэўскага "Шляхціц Завальня, альбо Беларусь у фантастычных аповедах". У 1850 годзе Рамуальда Падбярэскага за антырасійскую дзейнасць арыштавалі й выслалі ў Архангельскую губерню, дзе ён і памёр. Кніга Міколы Хаўстовіча, даследчыка і літаратуразнаўцы, апісвае жыццёвы і творчы шлях вядомага літаратара. У дадатку змешчаны шэраг яго артыкулаў і нарысаў, напісаных ў 40–я гады ХІХ ст.

• Месца выхаду: Мінск
• Дата выхаду: 2008
• Выдавец: ВТАА Права і эканоміка
• Памеры: 148с.
• ISBN: 978-985-442-603-7
• Катэгорыя: Гісторыя, Мэтадычная літаратура, Грамадзтва, Літаратуразнаўства, Біяграфіі
• Copyright: © 2008 by Мікола Хаўстовіч
• Кнігазбор: Kamunikat.org
• Дадатковая даведка: Рэцэнзенты: прафесар доктар габілітаваны Аляксандар Баршчэўскі, доктар Юзаф Зямчонак