Фірма

“Фірма” – першая кніга прозы Міхася Андрасюка. Яна ўяўляе сабой збор апавяданняў, аб’яднаных адным краявідам – Гайнаўкай. І хаця аўтар наўпрост не называе той мясціны, а тлумачачы месцадзеянне акрэслівае агульнастатыстычнае правінцыйнае мястэчка, кожны жыхар прыпушчанскага краю дакладна ведае, што апісаныя ў апавяданнях падзеі адбываюцца менавіта ў Гайнаўцы. Галоўныя героі твораў – горад і яго жыхары. Ствараецца ўражанне, што персанажы апавяданняў спісаны з натуры. Смяшлівыя і сур’ёзныя, самотныя і раскаваныя, узнёслыя і заземленыя, непасрэдныя і засяроджаныя – усе яны блізкія і дарагія пісьменніку, які сустракаецца з імі штодзённа і ведае, чым яны жывуць, аб чым мараць і ў што вераць. Аўтар не кідае сваіх герояў на подзьвігі, яны не выконваюць звышмагчымых дзеянняў, яны проста жывуць, а аўтар дакладна і ўдумліва заглядае ў іхныя душы і раскрывае перад чытачом нутро звыклага сярэднестатыстычнага гайнавяніна, або проста жыхара правінцыйнага мястэчка. Счытвае іх думкі і агучвае на старонках кнігі, прасякнутай добрым гумарам, уласцівым аўтару. (Н.Г.)

• Месца выхаду: Беласток
• Дата выхаду: 2000
• Рэдактар: Яновіч Сакрат
• Выдавец: Беларускае літаратурнае аб’яднанне Белавежа
• Памеры: 89 с., іл., 21 см
• ISBN: 83-85918-24-8
• Катэгорыя: Мастацкая літаратура
• Copyright: © by Michał Androsiuk
• Кнігазбор: Kamunikat.org, Каталёг БГТ, Каталёг MiOKB, Прыватны каталёг
• Інвэнтарныя нумары: BTH — 721, MiOKB — 6491, 6492
• Дадатковая даведка: Publikacja wydana dzięki pomocy finansowej Centrum Edukacji Obywatelskiej Polska-Białoruś i Ministerstwa Kultury i Dziedzictwa Narodowego