Хадановіч і Шупа — удзельнікі Вялікага Княства Паэзіі

2024-06-24 14:38

28—30 чэрвеня 2024 года цэнтр “Пагранічча” праводзіць традыцыйны фестываль “Вялікае Княства Паэзіі” ў Сэйнах і Краснагрудзе (Польшча). Фестываль яднае творцаў і даследчыкаў з Польшчы, Літвы, Беларусі і Ураіны.

Сёлета сярод запрошаных гасцей будзе Андрэй Хадановіч і Сяргей Шупа. У праграме будуць дыскусіі, адкрытыя лекцыі, аўтарскія сустрэчы, чытанні паэзіі ў коле паэтаў, пісьменнікаў і перакладчыкаў, піша ў фэйсбуку адзін з арганізатараў паэт Кшыштаф Чыжэўскі.

Так 29 чэрвеня ў 15:00 у Краснагрудзе пройдзе дыскусія з удзелам Сяргея Шупы, Андрэя Хадановіча і Міндаўгаса Квяткаўскаса пра асобу пісьменніка і паэта Мойшэ Кульбака. Мадэратар — Кшыштаф Чыжэўскі.

А 17 гадзіне там жа Андрэй Хадановіч прачытае лекцыю пра “Расстраляных паэтаў”.

А днём раней, 28 чэрвеня ў Краснагрудскай літаратурнай кавярні пройдзе вечар памяці Вікторыі Амелінай і Максіма Крыўцова — украінскіх літаратараў, якія загінулі ўвыніку нападу Расеі на Украіну.

З поўнай праграмай фестывалю можна азнаёміцца на сайце цэнтра “Пагранічча”.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк