Народная Воля 180-181

Рыгор Кастусёў: «Задача максімум для нас на гэтыя выбары — перамога, а задача мінімум — даказаць, што нацыянальна-дэмакратычныя сілы жывыя... Скажу шчыра: я не вельмі веру, што намеснік старшыні Партыі БНФ Рыгор Кастусёў мае нейкія шанцы на перамогу ў прэзідэнцкіх выбарах. Але... Пры асабістай размове Рыгор Андрэевіч падкупляе сваёй акрытасцю і шчырасцю, усмешлівым прыжмурваннем вачэй. У адрозненне ад некаторых, хто сёння прэтэндуе на прэзідэнцкую пасаду, Кастусёў не спрабуе рабіць надта сур’ёзны выгляд альбо кардынальна мяняць імідж. Які ёсць, такі ёсць. Пра каханне, саўгас і партыю — Рыгор Андрэевіч, скажыце шчыра, ці кахаеце вы сваю жонку? — Ну а як вы думаеце, калі мы разам пражылі больш за 30 гадоў? — А калі пачуцці яшчэ жывуць, дык навошта пайшлі ў прэзідэнты? Ваша жонка ў адным з інтэрв’ю адкрыта выказалася: “Не, нельга Рыгору быць прэзідэнтам. Яму з усім разабрацца трэба, а я тут сядзі сабе адна, як Галіна Лукашэнка...” — Любая жанчына ў нармальнай сям’і хвалюецца за свайго мужа. І мая жонка — не выключэнне. Яна ведае мой характар, адносіны да справы. І перажывае не таму, што я магу яе кінуць як жанчыну, а таму, што калі ўвязваюся ў справу, то раблю яе, падчас ахвяруючы сям’ёй.

• Месца выхаду: Мінск
• Дата выхаду: 2010-11-16
• Рэдактар: Сярэдзіч Іосіф
• Выдавец: УК Народная Воля
• Copyright: © 2010 by Народная Воля
• Кнігазбор: Kamunikat.org