Паміж Масквой і Варшавай

Кніга Вольгі Іпатавай, вядомай беларускаму чытачу, як аўтаркі апавяданняў і аповесцяў на гістарычныя і жыццёвыя тэмы, «Паміж Масквой і Варшавай» - гэта своеасаблівы даведнік-экскурсавод па беларускіх гарадах, мясцінах, знаёмства з выдатнымі асобамі беларускай гісторыі. Маючы такую кнігу пад рукой, можна свабодна адпраўляцца ў падарожжа – не трэба шукаць у інфармацыйных бюро даведак пра славутасці той ці іншай мясціны. Усё гэта, у вельмі шырокім фармаце прадстаўлена ў кнізе. Прачытаўшы твор хочацца адправіцца ў такое падарожжа, наведваючы буйныя гарады і маленькія мястэчкі. У Іпатавай знойдзем указальнікі што і дзе варта пабачыць, на што звярнуць асаблівую ўвагу, міма чаго нельга прайсці абыякава. Некалі на сустрэчы з падарожнікам нехта агучыў агульнавядомае меркаванне, што «падарожжы вучаць», на што падарожнік адказаў: «не, у падарожжа трэба адпраўляцца адукаваным». Кніга Вольгі Іпатавай дае нам магчымасць падарожнічаць, узброенымі у веды, якія можам пацьвердзіць, вандруючы па бяскрайніх прасторах Беларусі. (Н.Г.)

• Месца выхаду: Мінск
• Дата выхаду: 1996
• Выдавец: Полымя, Бялун
• Выдавецтва/ друкарня: Полымя, Бялун
• Памеры: 111 с. 27 см
• ISBN: 985-07-0090-4
• Катэгорыя: Этнаграфія, Гісторыя, Культура, Мастацкая літаратура, Пераклады, Грамадзтва, Турыстыка, Біяграфіі
• Copyright: © 1996 by Іпатава Вольга
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 3834