У Вільні пакажуць архіўныя тэлеперадачы Тацяны Сапач

2024-08-20 14:00

26 жніўня, у дзень нараджэння Тацяны Сапач, паэткі і стваральніцы беларускай тэлевізіі ў Літве, адбудзецца фестываль яе перадач пра знакамітых і проста цікавых людзей.

Доўгія гады Сапач вяла на Літоўскім Тэлебачанні сталую праграму пра мясцовых беларусаў пад назвай “Віленскі сшытак”, дзе запісвала інтэрв’ю і каментары, рабіла дакументальныя фільмы і матэрыялы пра гісторыю беларускай прысутнасці ў Літве.

У цэнтры ўвагі падчас імпрэзы будуць:

– Алёна Сакалова-Лекант

– Стэфан Казлоўскі

– Валеры Місюк

– Айцец Аляксандар Надсан

– 20-я ўгодкі „Віленскага сшытка“

Правядзе імпрэзу мастацтвазнаўца Сяргей Харэўскі.

Арганізатары запэўніваюць, што наведнікаў “чакае хваля эмоцыяў, знаёмых твараў і мясцін, прыгажосці і ўзнёсласці”.

Будзе магчымасьць набыць найбольш поўны зборнік вершаў, інтэрвію і ліставаньня Тацяны Сапач.

Кошт удзелу 10 eur

26 жніўня

18:00

Цэнтр беларускай культуры і супольнасці (Вільня, Vilniaus g. 20)

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк