Усевалад Родзька

Дасьледчык гісторыі беларускага рэзыстансу прадстаўляе чарговае выданьне, прысьвечанае постацям беларскга антысавецкага супраціву. Героем брашуры – Усевалад Родзька, кіраўнік Беларускай Незалежніцкай Партыі, маёр Беларускай Краёвай абароны, патрыёт і змагар за незалежнасьць Бацькаўшчыны. Падвойнае жыцьцё у якасьці памагатага нацыстаў і падпольнага кіраўніка антысавецкайі антынацысцкай арганізацыі, дапамагло пры выкарыстаньні ўлады спрабаваць рэалізаваць мэты незалежнасьці Беларусі. Сярод тых мэтаў, якія спрабаваў ажыцьцявіць Усевалад Родзька – запрашэньне прэзідэнта Рады БНР Міколы Абрамчыка для ўзначаленьня беларускага супраціву, а таксама плян менскага антыфашысцкага паўстаньня. Нягледзячы на маладыя гады Усеваладу ўдалося з’арганізаваць і ўзначаліць антысавецкі батальён Беларускай Вайсковай Арганізацыі ва Усходняй Прусіі, які на жаль так і не быў перакінуты на тэрыторыю Беларусі. Пра небясьпеку, якую ўяўляў Усевалад Родзька для савецкай улады ў Беларусі, сьведчыць тое, што ён быў адным з найбольш расшукваных беларускіх дзеячоў.(Н.Г.)

• Месца выхаду: Менск
• Дата выхаду: 2001
• Выдавец: Голас Краю
• Катэгорыя: Гісторыя, Біяграфіі, Мэмуары
• Copyright: © 2001 by Сяргей Ёрш
• Кнігазбор: Kamunikat.org, Прыватны каталёг