Візуальны код часу / Visual code of the time

Шаноўнае спадарства! «Офіс за дэмакратычную Беларусь» э эадавальненнем прадстаўляе Вам каталог вандроўнай выставы беларускага плаката. У рамках нашага праекта творы выдатных беларускіх мастакоў-плакатыстаў пабачылі аўдыторыі розных гарадоў Заходняй Еўропы і будуць надалей вандраваць па сталіцах кантынента, а таксама, спадзяемся, і па краінах Паўночнай Амерыкі. Пры падборы выставы мы мэтанакіравана ўключылі ў яе склад творы перыяду 1980-1990-х гадоў дзеля таго, каб пазнаёміць гледача з тым, як важныя сацыяльна-палітычныя трансфармацыі, што праходзілі ў Беларусі ў гэты час, адбіліся на мастацтве плаката, прывёўшы да стварэння новых творчых прыёмаў і форм. Заахвоціць спажыўцоў прапаганды пашыраць гарызонт сваёй думкі — такой была мэта аўтараў прадстаўленых твораў. Адкрываючы беларускі плакат для заходняга гледача, мы хочам змяніць пашыраны вобраз Беларусі толькі як малавыразнай часткі пост-савецкай прасторы і «апошняй дыктатуры Еўропы» і імкнёмся паказаць адметнасці беларускай гісторыі, культуры і мастацтва праз дэманстрацыю дасягненняў яскравага таленту беларускіх творцаў.

• Месца выхаду: Brussels
• Дата выхаду: 2008
• Рэдактар: Стужынская Вольга, Ліс Алена
• Перакладчык: Feyisa Viyaleta, Dufour Thierry, Mendler Elisabetta
• Выдавец: Office for Demokratic Belarus
• Катэгорыя: Культура, Палітыка, Правы чалавека, Грамадзтва
• Copyright: © 2008 by Office for Demokratic Belarus
• Кнігазбор: Kamunikat.org, Каталёг БГТ
• Інвэнтарныя нумары: BTH — 4652
• Дадатковая даведка: Плакаты з калекцыі Беларускага саюзу дызайнераў; Аўтар праекта - Ягор Сурскі; Ангельскі тэкст пад рэдакцыяй - Bepa Рыч, Эльвіс Бейтулаеў;