Як стаць беларусам

"Як стаць беларусам. Сто гісторый" -- новая кніга Севярына Квяткоўскага. Зборнік маналогаў у жанры дакументальна-мастацкай прозы стаўся вынікам праекту, рэалізаванага на сайтах Budzma.org i Tut.by. "Як стаць беларусам. Сто гісторый" -- гэта збор аповедаў людзей, якія ў розны час адкрылі адзін з бакоў свайго "я". Праз праз пошук схаванага, праз любоў, праз пратэст, праз логіку і містыку, праз пачуццё справядлівасці і прагу хараства яны прыходзілі да важнасці ўсвядоміць сябе Кімсьці, і ў тым ліку -- беларусам. Кніга аб'ядноўвае людзей самых розных узростаў і заняткаў. Ад земляроба да праграміста, ад інжынера да музыканта. З вядомых асобаў у кнізе сярод іншых прадстаўленыя маналогі Уладзіміра Арлова, Сяргея Міхалка, Андрэя Кудзіненкі, Сяргея Дубаўца, Яўгена Калмыкова, Ганны Кісліцынай, Андрэя Курэйчыка, Жаны Літвіной, Сяргея Харэўскага і Валянціна Акудовіча.

• Месца выхаду: Мінск
• Дата выхаду: 2014
• Рэдактар: Акудовіч Валянцін
• Выдавец: Выдавецкі дом Логвінаў
• Памеры: 164 с.
• Катэгорыя: Мастацкая літаратура
• Copyright: © 2014 by Севярын Квяткоўскі, Кандрацева З. - ілюстрацыі, Выдавецкі дом Логвінаў - афармленне
• Кнігазбор: Kamunikat.org, Прыватны каталёг
• Дадатковая даведка: Севярын Квяткоўскі прэзентуе праект: «Як стаць беларусам. Сто гісторый» Пры ўдзеле: Ганна Валынец, Аляксандар Лукашоў, Арцём Мартыновіч, Хрысціна Марчук, Аляксандар Ярашэвіч, якія дапамаглі ў зборы тэкстаў. Адмысловыя падзякі: Андрэй Дзмітрыеў — удзел у выданні кнігі; Алена Макоўская і Ніна Шыдлоўская — удзел у рэалізацыі праекту на сайце budzma.org; Марына Золатава — удзел у партнёрскай рэалізацыі часткі праекту на сайце Tut.by